Bütün dövrlərdə qadınlar gözəl ətirlərdən istifadə ediblər. Müasir dövrdə isə xanımlarımız Chanel, Burberry, Cacharel, Calvin Klein, Carolina Herrera, Cerruti, Chloe kimi tanınmış brendlərin ətirlərinə üstünlük verirlər. Bundan başqa, alıcının yaşına görə də ətir seçimi dəyişir. Belə ki, gənc xanımlar Mademoiselle Chanel ətrinə daha çox üstünlük verirlər. Çünki bu ətrin yaradılmasında limon və berqamotun, naringi, türk qızılgülü, yasəmən və mimozanın aromatından istifadə olunub.
İncə və zərif xanımlar Miss Dior Cherie ətrinə üstünlük verirlər. Bu ətirlərin əsasında çiçək kompozisiyası dayanır, heç bir meyvə notlarına rast gəlmək olmaz. Gənc xanımlar həmçinin Lanvin-Marry me ətrini də seçirlər. Bu ətrin əsasında ərik və portağal notları, maqnoliya və yasəmən ətirləri, eləcə də muskus və sidr aromatlarından istifadə olunub. Biraz yaşlı xanımlar isə çiçək aromatlarına deyil, daha çox özündə sərt notlar daşıyan ətirlərə üstünlük verirlər. Belə ətirlərdən biri Gabriel Sabatini-Muelhens ətridir. Bu ətir daha çox nə istədiyini bilən işgüzar xanımlar üçün nəzərdə tutulur.
Onun tərkibinə yaşıl çay, zanbaq, limon, berqamot, portağal çiçəyinin notları daxildir. Eləcə də, Miracle-London ətri də tələb olunan ətirlər siyahısındadır. Onun tərkibində naringi və istiot, muskus və əmbər notları var. Bu ətri daha çox incə xanımlar seçirlər. Gənc analar daha çox Amarige-Givenchy ətrini bəyənirlər. Bu ətir çiçək-meyvə aromatlarının qarışığından yaranıb. Enerjili xanımlar Cat Deluxe-Naomi Campbell star parfums ətrini seçirlər. Onun tərkibi mixək, ərik, bənövşə və vanil notlarıdan ibarətdir. 40 yaşdan yuxarı xanımlar daha çox karamel, iris, acı şokolad, amaretto notlarını özündə cəmləşdirən ətirlərə üstünlük verirlər. Belə ətirlərdən biri də Le Baiser Du Dragon-Cartier ətridir. Lakin hələ də parfüm bazarında satış üzrə liderliyi Chanel N# 5 saxlayır. Onun tərkibində limon, berqamot, inci çiçəyi, bənövşə, yasəmən, səndəl ağacı, vanil, əmbər kimi notlar yer alıb.
Son zamanlarda isə tərkibində feramon olan Givenchy Ange ou Demon Tendre (Givenchy), Gucci Rush 2, Gold Touch (Max Mara), Hugo Boss Femme (Hugo Boss), L eau par (Kenzo), Lacoste touch of pink (Lacoste), Lancome Poeme (Lancome), Natural İnstinct Be to Be kimi ətirlər də populyarlıq qazanmağa başlayıblar.
