Bloqumuz haqqında

alsevin.az alış-veriş saytının rəsmi bloqu nəyə lazımdır?
“Ay qağa, ay elli, sayt olan yerdə ikinci bu bloqdur-mloqdur nəyə lazımdır axı?” sualının cavabını hər dəfə qonşunun qızına, bir çox müştərilərə, özünü internet sahəsində ekspert sayanlara izah etmək çox vaxt aparır. Ona görə qərara gəldim ki,baltanı dibindən vurub bir Haqqımızda səhifəsini yaradaq.

Blog ingilis dilində web-log sözünün qısaldılmış versiyasıdı, mənası veb-gündəlik deməkdir. Əvvəllər hamı öz fikirlərini,qeydlərini bir gündəliyə yazardı:

veb-jurnal

veb-gündəlik

Mən də əvvəllər özümə belə gündəlik tutmuşdum, amma gah evdən köçəndə lazımsız əşya kimi tulladım,gah da üstünə çay dağıldı. İndi isə İnternet əsridir, çoxları fikirlərini elektron-gündəliklərə yazır.
Biz də bloqda planlarımız, gördüyümüz və görmək istədiyimiz işlər, sizinlə paylaşmaq istədiyimiz faydalı məlumatlar, həttə sizdən şikayətlərimizi də yerləşdirməyi planlaşdırırıq.

Bloq Əsas sayt
Dünyaya baxışımızı əks etdiririk, nəyi bəyənirik, nəyi etmək istəyirik və s. Sırf biznes üçündür.
Bloqda komandamız, gördüyümüz işlər, planlarımız haqda yazırıq. Saytda isə müştərilər son nəticəni görür.
Arada əylənmək, gülmək istəyirik. Sayt daha ciddidir, işgüzar məqsədlərə xidmət edir
Bloqda məhsul satmırıq Saytın əsas məqsədi satış prosesini həyata keçirməkdir

Qısası, sayt saytdır, bloq isə bloq:)

Tez-tez bizi izləyin, yazılarımızı oxuyun.

Bloqumuz haqqında” üzərinə bir düşüncə

Şərh üçün qapalıdır.