Qadın psixologiyası

Bizim saytdan məhsulları sifariş edən əsas auditoriya qadınlardır. Ona görə də qadın psixologiyası, marketində qadınlarla kommunikasiya barədə çox oxumağa çalışıram. Yoldaşlarımdan biri dedi ki, internet, kitab-zad boş şeydir. Qadınları yaxşı başa düşmək istəyirsənsə, aşağıdakı pritçanı oxu,hər şeyi başa düşəcəksən.

Bir xanım yolla gedəndə 6 mərtəbəli bir binanın üstündə elan görür: “Kişi icarəyə verilir”
Təbii ki, bizim qəhrəman tez içəri daxil olur və elanı oxuyur “1-ci mərtəbədə ailəcanlı kişilər icarəyə verilir, ancaq 2-ci mərtəbəyə qalxsanız daha bu mərtəbəyə qayıda bilməyəcəksiniz”.
Qadın özünü saxlaya bilməyib maraq xatirinə qalxır 2-ci mərtəbəyə və görür yazılıb “2-ci mərtəbədə ailəcanlı və uşaqları sevən kişilər satılır, ancaq 3-cü mərtəbəyə qalxsanız daha bu mərtəbəyə qayıda bilməyəcəksiniz”.

Qadın özünü saxlaya bilməyib bir mərtəbə də qalxır və görür yazılıb “3-cü mərtəbədə ailəcanlı, uşaqları sevən və bütün maaşını evə gətirən kişilər müvəqqəti istifadəyə verilirdi, ancaq 4-cü mərtəbəyə qalxsanız daha bu mərtəbəyə qayıda bilməyəcəksiniz”.
qadınlar nə istəyir?Qadın daha dayana bilmir və qalxır 4-cü mərtəbəyə, görür ki, yazılıb “4-cü mərtəbədə ailəcanlı, uşaqları sevən, bütün maaşını evə gətirən və ev işlərində xanımına kömək edən kişilər arendaya verilir, ancaq 5-ci mərtəbəyə qalxsanız daha bu mərtəbəyə qayıda bilməyəcəksiniz”.

Qadın nə qədər edirsə də, özünü saxlaya bilmir, qalxır 5-ci mərtəbəyə və görür ki, yazılıb “5-ci mərtəbədə ailəcanlı, uşaqları sevən, bütün maaşını evə gətirən, ev işlərində xanımına kömək edən, seks zamanı qadının arzuladığı hər şeyi edə bilən kişiləri kirayə götürə bilərdiniz, ancaq 6-cı mərtəbəyə qalxsanız daha bu mərtəbəyə qayıda bilməyəcəksiniz”.
Qadın fikirləşir ki, “daha sənə nə lazımdır, tez kirələ, çıx get”.

Amma içindəki nəfs imkan vermir və o qalxır 6-cı mərtəbəyə, görür ki, yazılıb “Əslində bu binada kişi icarəyə verilmir. Biz yoxlamaq istədik görək qadın nə vaxtsa, nəyəsə şükr edə bilərmi? Bir daha aydın oldu ki, qadın heç vaxt, heç nəyə şükr edə bilmir. Bu binanın birinci mərtəbəsinə daxil olmuş minlərlə xanımın hər biri mütləq 6-cı mərtəbəyədək qalxıb!”