Yüz ölç, bir biç

İki şərik bir kitabdan oxuduqları proqnoza əsaslanaraq biznesmen qaz vurub qazan doldurmaq istəyir. Əllərində olan bütün pullarını yığıb qəhvəyi rəngli parça alırlar. Amma həmin il qəhvəyi rəngli parça onların gözlədiyinin əksinə olaraq dəbdə olmur və sahibkarlar bankrot təhlükəsi ilə üz-üzə qalırlar.
Bir-iki gün sonra onların dükanına girmiş bir zabit qəhvəyi rəngli parça lazım olduğunu deyir və həmin parçadan nümunə götürərək komandirinə test üçün göstərməyə aparır. O, komandir bəyənəcəyi təqdirdə əllərində olan bütün malı alacağını deyir.
Belə şərtləşirlər ki, əgər səhərisi gün saat 12:00-a kimi komandirdən teleqram gəlməsə, deməli parça alınacaq və ölçüyə uyğun kəsə bilərlər.
Bizim biznesmen dostlarımız gecə yatmır, saniyələri saymağa başlayırlar. Ancaq dua edirlər ki, kaş saat 12-də ordudan teleqram gəlməyəydi. Saat 10 olur, 11 olur, hələ ki, heç bir xəbər yoxdur. Ürəkləri duppadup döyünür. 12-yə qədər poçtalyonun gəlməməsi üçün canlarını dişlərinə keçirib gözləyirlər.
Saat 12-yə 5 dəqiqə qalmış küçənin o başında poçtalyon görünür. Çarəsiz şəkildə yerlərində donub qalırlar. Məyus olsa da, şəriklərdən biri teleqramı oxumağa qərar verir və ilk sətirə göz gəzdirib sevinclə qışqırır: “Muştuluğumu ver, atan ölüb”.

Lətifə olsa da, ibrətamizdir. Atasının ölümünə sevinmək istəməyənlər biznesə girişmədən əvvəl marketinq tədqiqatı aparsınlar.

Biz alsevin.az saytını açmamışdan əvvəl marketinq tədqiqatı aparmış və xeyli analiz etmişik:-)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir