Kateqoriya arxivləri: Uğur qazanmaq

Lider olmaq istəyirsən?

Əgər sən bu məqaləni oxuyursansa,özünün güclü şəxsiyyət olmağın üçün addığın bu addıma görə əvvəlcə bir özünü təriflə! Səni bu yazını oxumağa yəqin,müntəzəm uğursuzluqlar,qızlarla oblom və ya sənin başqalarından əksik olmağın kimi pis fikirlər vadar edib? Bəs sən özün necə fikirləşirsən: heç kim səni sevmir yoxsa səni sezmir,səni hiss etmirlər? Sən Allahın əvvəldən bəxti gətirməyən yazıq bəndəsisən yoxsa özünə inamı olmayan adamsan? Görəsən hamı sənə mane olmaq üçün gizlincə sözləşib yoxsa problemlər sənin özündədir?

Nə deyirsən,de – əsas problem səndədir və başqalarının bunda bir zərrə də günahı yoxdur.Əgər sənə hörmət etmirlərsə,deməli günah səndədir. Oxumağa davam et →

Uğur qazanmağa mane olan faktorlar

Zəngin olmaq istəyirsən? Yoxsa istəyirsən yolda səni barmaqla göstərib haqqında xoş sözlər danışsınlar? Bəlkə valideynlərinin sənlə fəxr etsin? Qısası, işində uğur qazanmaq istəyirsən?

Gərək onda uğurun düşmənlərini də biləsən:

  1. Ən birinci düşmən – tənbəllik.
  2. Facebookda vaxt öldürmək – Hesabını deaktiv etmək lazım deyil, amma hər dəqiqə friend-listə baxmaq insanın vaxtını çox alır.
  3. Pis dostlar/yoldaşlar/həmkarlar – əgər sənin çevrən pisdirsə, sənin onlardan fərqli olub nəyəsə nail olmağın çox çətin olacaq.düşmənini tanı
  4. Dəqiq planlaşdırma və hədəfləmənin olmaması – gərək hər şeyi yaxşı planlaşdırasan. Bina tikib mənzil satmaq istəyirsinizsə mərtəbələrin sayı, bənnaların əmək haqqı, sementin keyfiyyəti və başqa amillər birinci yada düşür. İnanmazsınız, amma günəşin səhər çıxarkən hansı pəncərəyə ilk düşməsi bəzən daha çox şeyi həll edir. Bakıda yüksək keyfiyyətlə tikilmiş binaların birində, qeyri-düzgün planlaşdırıldığına görə liftlərdə GSM dalğa tutmur və mobil telefona zəng çatmadığına görə çox zəngin bir insanın ordan ev almaqdan imtina etdiyini eşitmişəm.
  5. Motivasiyanın olmaması – Motivasiya hər hansı bir cəhdin ilk addımıdır, ilk addım yoxdursa, uğur üçün də heç bir yol yoxdur.
  6. ……

Hər işi görməyə çalışma

Evdə heç istifadə edilməmiş beş yüz yemək tərifindən ibarət  kitab var ikən qulağa xoş gələn yeni bir tərifi yazan bir qadın “möhtəşəm kəşfinin” qısa müddətli hissiyyatına qapılaraq əslində zamanını boşuna keçirmiş və özünü aldatmış olur. Gəlin vaxtımızı  boşuna keçirməyək. Əsas işləri görməyə vaxt tapmamağın səbəbi çox da əhəmiyyətli olmayan məsələlərlə məşğuliyyətdir. Oxumağa davam et →

Ertələmək

Britaniyalı iş adamı Sir Riçard Tanqyenin bir sözü var: “Çox məşğul olduğum günlərdə tez-tez soruşulan sual. Bu qədər işin öhdəsindən necə gəlirsiniz? Cavabı çox bəsitdir. Hər şeyi edilməsi lazım olan zamanda edirəm”. Görəsən, insanların nə qədəri işlərinin öhdəsindən tam zamanında gəlirlər?

Psixoloq Uilliam Knaus universitet tələbələri üzrə apardığı araşdırmada tələbələrin 90%-nin dərsləri ertələdiyini, bunların 25%-nin isə xroniki ertələməçi olub daha sonralar universiteti tərk etdiklərini ortaya qoydu. Böyük əksəriyyətimiz ertələməçilik mərəzinə mübtəla olmuşuq. Baxın bu ifadələr sizə də tanış deyilmi? Oxumağa davam et →

Cütçü və onun xəsis oğulları

Bir vaxtlar dünyada çox zəhmətsevər və əliaçıq bir cütçü var imiş. Onun son dərəcə tənbəl və acgöz oğulları heç nədə atalarına çəkməyibmişlər. Ölüm ayağında oğullarını başına toplayan qoca onlara vəsiyyət eləyir ki, əgər filan yerdəki torpaqları yaxşıca şumlasalar, oradan dəfinə tapa bilərlər.

Atalarını torpağa tapşırandan sonra oğullar onlara nişan verilən yerə gəldilər. Tənbəlliklərini bir kənara qoyub, oranı eninə-uzununa şumladılar, qazdılar, altını üstünə çevirdilərsə də, əllərinə heç nə keçmədi. Oxumağa davam et →

Az pulla biznesə başlamaq

Kasıbsınız, lakin biznesdə özünüzü sınamaq istəyirsiniz?
Əgər sizin ciddi biznesə başlamaq üçün 100000 manat pulunuz yoxdursa, amma özünüzə çox inanırsınızsa, aşağıdakı sahələrdən birində özünüzü sınaya bilərsiniz. Suallarınız olsa, şərhlərdə bildirin. Kim bilir, bəlkə sabahın uğurlu bizneslərindən biri yarandı?

  1. Qalereya açmaq. İstəsəniz lap evdə də aça bilərsiniz. Rəssamlardan, təkəlduzçulardan, xalçaçılardan əsərlərini öz evinizdə (icarə etdiyiniz böyük zalda) sərgidə göstərin. Alınan əsərlərdən bir qədər komissiya tutun.Vəssalam.
  2. Kalliqrafiya. Bu işin sənətkarı olun,bəsdir. Ad günlərində hüsnxətlə bir əşyanın üzərində yazmaq-əla biznesdir. Müştərilərin çoxu dindar olacaq, ərəb əlifbasını və islamı da öyrənmək lazımdır. Oxumağa davam et →

Puldan da vacib olan şeylər

Gözünüz ancaq onun-bunun pulunu saymasın:-) Həyatda puldan önəmli, dəyərli elə məfhumlar var ki, biz bəzən onlar haqqında unuduruq. Onları sadalayırıq:

  • Savad —Təhsil almağa, oxumağa davam edin. Savadlı adamın həmişə çörəyi var.
  • Nigah — Birisini öz həyatınıza bütünlüklə qəbul etmək, sizin həyatınızı dəyişir. Partnyorunuz sizi stimullaşdırır, ona layiq biri olmaq üçün can atır,daha çox işləyir, daha çox uğur qazanırsınız.
  • Fiziki sağlamlıq — Sağlamlığı almaq olmaz.Cansağlığı böyük nemətdir.
  • Psixoloji sağlamlıq — Öz hisslərimizi sağlam yolla ifadə etmək. Bizi narahat edən problemlərin həlli yolunu tapmaq,çətinliklərdən qorxmamaq üçün psixologiyamız gərək güclü olsun. Oxumağa davam et →

Bu vərdişlərdən imtina etməlisiniz

Aşağıdakıları etsəniz, həyatda xoşbəxt olmaq şanslarınız aşağı düşəcək. Boz, standart, darıxdırıcı, yeknəsəq ömür sürmək istəyirsinizsə, aşağıdakılara əməl edin. Əminəm ki, özünüzə aid bir çox xüsusiyyətləri tapacaqsınız.

  1. Bütün boş vaxtını dörd divar arasında keçirmək.
  2. Hər şeyi nəzarət altında saxlamağa çalışmaq.
  3. Sevmədiyin şeyə dözmək.
  4. Özünə inamını, hörmətini azaldan insanlarla söhbət etmək.
  5. Başqa insanların nə deyəcəyini düşünmək.
  6. Çayın axarı ilə üzmək və ən az müqavimət olacaq yolu seçmək
  7. Fikirləri və hissləri içində saxlamaq.
  8. Risk etməkdən qorxmaq.
  9. Özünü yox, başqalarını düşünmək.
  10. Hər kəsin səni bəyənməsinə çalışmaq.
    Oxumağa davam et →

25 ildə öyrəndiyim 25 həyat dərsi

Şəbnəm Alməmmədova adlı ağıllı bir azərbaycanlı xanımımız var. ABŞ-da PR agentliklərdən birində işləyir, maraqlı bloqlar yazır. Bu emosional gəncin keşməkeşli taleyi olub. Onun ən maraqlı məqaləsini paylaşırıq, Siz də oxuyun, 25 yaşına çatmış bir insanın düşündükləri ilə tanış olun:bu da Şəbnəmin özü (PR və social aktivist) Oxumağa davam et →

Niyə axı özünü boğursan?

Heç nəhəng planlar qurmusan? Böyük arzularla yaşamısan? Yeni biznesə başlamaq, bestseller kitab yazmaq və ya sərgilərdə inqilab edəcək rəsm əsəri çəkmək istəmisən? Çoxlarınızın yəqin ki,belə arzuları olub. Amma tənbəllikdən və ya başqa səbəblərdən bu arzularımıza qovuşmuruq. Özümüzə təsəlli də veriririk ki,mən roman yazardım,amma işim çoxdur yaxud Mən çoxdan gəlirli biznes qurardım,amma evdəkilərə görə vaxtım olmur və s. Bəzən hətta səfeh bəhanələr gətiririk, boynumuza almaq istəmirik ki, biz potensialımızı realizə etməmişik. Oxumağa davam et →