Hər işi görməyə çalışma

Evdə heç istifadə edilməmiş beş yüz yemək tərifindən ibarət  kitab var ikən qulağa xoş gələn yeni bir tərifi yazan bir qadın “möhtəşəm kəşfinin” qısa müddətli hissiyyatına qapılaraq əslində zamanını boşuna keçirmiş və özünü aldatmış olur. Gəlin vaxtımızı  boşuna keçirməyək. Əsas işləri görməyə vaxt tapmamağın səbəbi çox da əhəmiyyətli olmayan məsələlərlə məşğuliyyətdir.

“Zamanınıza və həyatınıza necə nəzarət edə bilərsiniz” adlı bestseller kitabın müəllifi Alan Lakeyn belə məqamlardan qurtulmağın çarəsini 80/20 qanunu tətbiq etməkdə görür. Yəni bir siyahıdakı 10 işin arasında elə iki iş var ki, onu reallaşdıraraq bütün işin 80%-ni bitirmək mümkündür.

Siz də görəcəyiniz işlər arasından əsas olan ikisini müəyyənləşdirin və reallaşdırın. Digər səkkiz məsələnin çoxusunu həll etməsəniz də olar, çünki onlardan gələcək səmərə əsas iki işi işin səmərəsinə nəzərən azlıq təşkil edəcək. Baxın, Riçard Nikson 1960-cı il prezident seçkiləri zamanı 50 ştatın hamısında seçki kampaniyası aparacağını vəd etdiyinə görə son günlərini Alyaska, Havay və Vayominq kimi ştatları gəzərək keçirərkən, Con Kennedi əksəriyyət əhalisinin ona səs verəcəyi əyalətləri gəzirdi. Təbii  ki, bu, Kennediyə xəyallarını reallaşdırmasında böyük kömək olmuşdu.

Deməli, əsas işlərinizə vaxt ayırmanın yollarından biri də görməyə məcburiyyət hiss etdiyiniz lüzumsuz işləri azaltmaqdır. Əksər idarəçilər kitab oxumaq üçün asudə vaxtlarının olmadığından gileylənərlər, halbuki bunun yayında qəzet oxumağa sərf ediləcək kifayət qədər vaxt tapırlar. Nəticədə isə ildə yüzlərcə qəzet bitirərkən sadəcə bir kitab oxuyurlar.

Plansızlıq.

Zaman idarəetməsində müvəffəq olmaq üçün həftəlik planlar qurun və bu planı gündəlik olaraq gözdən keçirin. Nə qədər məşğul olursunuz olun, həmişə planlama üçün zaman ayıra bilərsiniz. Gündəlik nəzarət üçün günün əvvəlində on dəqiqənizi ayırın, əldə etdiyiniz vaxt qazancı planlama üçün ayırdığınız vaxtdan qat-qat çox olacaq.

Burada lazım olan zamanınızın hər anını qeyd etmək deyil, zamanı proqramlamaqdır, çünki əvvəlcədən aparılmış planlamalar ilə həyata keçirmək istədiyiniz bir çox şeyə vaxt tapa bilərsiniz. Unutmayın ki, müvəffəqiyyətə imza atmış insanların bir çox şeyə vaxt ayıra bilmələrinin səbəbi başqalarından daha çox zamanlarının olması deyil, sadəcə zamanlarını planlamalarıdır.

Müəllif: Əsədulla Əliyev
Mənbə: «Müvəffqəiyyətə gedən yol»

Bloqda məqalələri oxuyursan, amma share etmirsən.

Mən bunu bağışlamıram!

Dedilər başqa saytlardan çanta sifariş edirsən.

Mən bunu bağışlamıram!