Komandamızın üzvlərindən Yanina Dadaşova böyük bir problemlə üzləşib: onun 9 aylıq körpəsi Daniilin beynində şiş tapılmışdır.
Heç bir anaya arzu etməyəcəyimiz bu dərddən qurtulmaq üçün Yaninaya yardım etmək üçün hamıya səslənirik.
Doğularkən tam sağlam olan, deyib-gülən, həmişə aktiv olan Daniilin son zamanlar özünü nasaz hiss etməsindən narahat olan valideynləri onu müayinə etdilər. Qanında hemoqlobinin miqdarının kəskin aşağı düşməsindən əlavə, beynində böyük ölçüdə tumora (şiş) aşkar etmişlər.
Balaca Daniili müalicə etmək üçün təcili şəkildə Rusiyada cərrahiyyə əməliyyatına ehtiyac var.
Əməliyyat üçün təxminən 10000 ABŞ dollarına yaxın məbləğ tələb olunur.
Allah rizası üçün, balaca körpənin sağlam gələcəyi üçün bütün insanlardan yardım etməyi xahiş edirik!
Restoranda hər dəfə hesab verə, əynimizə müxtəlif aksessuarlar ala, telefonumuza vaxtlı-vaxtında balans doldura bildiyimiz halda heç 1 yaşı belə olmamış bir körpə üçün də pul ayıra biləcəyinizə inanırıq.
Gəlin qarşıdan gələn Yeni ilimizi bir körpənin həyatının xilas olunmasına töhfə vermiş arxayın insan kimi qeyd edək.
İmkanı olan analara və atalara üzümüü tuturuq: sizin də uşaqlarınız heç nədən sığortalanmayıb, onların da başına bu problem gələ bilər. Başqasının uşağını xilas etməyə kömək etsəniz, sizin də övladlarınıza çətin zamanda yardım edən tapılar.
Kömək etmək istəyən şəxslər aşağıdakılardan istifadə edə bilər:
Bank rekvizitləri (hesab Daniilin atasının adına açılıb):
| Müştərinin adı : | Fomin Serqey İvanoviç |
| Müştərinin hesab N-si | AZ10UBAZ14229758341010AZN001 |
| Benefisiar (alan) Bank: | Unibank CB |
| SWIFT ADRESİ: | UBAZAZ22(Baku, AZ, Azerbaijan) |
| Kod: | 502166 |
| VÖEN: | 1300017201 |
| Benefisiar Bankin hesab N-si | AZ46NABZ01350100000000015944 |
Nağd şəkildə pulu vermək istəyənlər Tural Kərimov (telefon 050-424-11-40) yaxud Yanina Dadaşovaya (0556546636) müraciət edə bilər.
Yardımlarınızı əsirgəməməyiniz xahiş olunur.
UPDATE: Təəssüf ki, 10 yanvar tarixində Daniel o biri dünyaya qovuşdu. Komandamızın üzvü Yaninaya,həmçinin əri Sergeyə səbr diləyirik.
Danielin əməliyyatı üçün lazım olan vəsait yığılsa da, qaraciyərində yaranan digər problemə görə komaya düşmüşdü və süni tənəffüs apparatına qoşulmuşdu. Ümid edirik ki,gələcəkdə ölkəmizdə körpə ölümlərinin sayıazalacaq və ölkədə tibbin səviyyəsi daha da inkişaf edəcək.