Heç nəhəng planlar qurmusan? Böyük arzularla yaşamısan? Yeni biznesə başlamaq, bestseller kitab yazmaq və ya sərgilərdə inqilab edəcək rəsm əsəri çəkmək istəmisən? Çoxlarınızın yəqin ki,belə arzuları olub. Amma tənbəllikdən və ya başqa səbəblərdən bu arzularımıza qovuşmuruq. Özümüzə təsəlli də veriririk ki,mən roman yazardım,amma işim çoxdur yaxud Mən çoxdan gəlirli biznes qurardım,amma evdəkilərə görə vaxtım olmur və s. Bəzən hətta səfeh bəhanələr gətiririk, boynumuza almaq istəmirik ki, biz potensialımızı realizə etməmişik.
Bir Yuli Sear haqqında fikirləşin.Heç bilirsiz ki,o yazılarını gecə yazardı? Gecələr Roma əsgərləri yatanda işləyir,səhərlər isə onları döyüşə aparırdı bu cəfakeş insan.
Bilirsiz ki,Hendel öz ən gözəl musiqilərini həkimlər onun sağalmaz xəstəliyə tutulduğunu deyəndən sonra yazıb?
Bilirsiz ki,Bethoven hətta karlaşandan sonra da musiqi yazıb?
Heç bilirsinizmi ki,Homer,Milton və Dante kor olublar?
Yadınıza Hannibal və lord Nelsonu salın: bu hərbçilərin bir gözü vardı.
Frensis Kempbell isə kor olsa da, riyaziyyat və musiqi ilə məşğul olub.
Amma biz insanlar isə deyirik ki, Yox,vallah mən edə bilmərəm.Mənim buna qabiliyyətim çatmır.Bəlkə bu insanlara baxıb gözünüzə su verəsiniz?
Martin Lüter Bibliyanı Vartburq qalasında məhkum olanda tərcümə edib. Daniel Defo Robinson Kruzo romanını həbsxanada yazıb. Bayron Piliqrimin yolu kitabını qazamat arxasında yazıb. Elə Servantes də Don-Kixot kitabını həbsaxanada yazıb.
Bilirəm,çoxları deyəcək ki,Bəli,bu insanlar dahi olublar.Mən də onlar kimi ola bilərəm,amma iş mənə imkan vermir. Onda sizə bir sual verim. Marqaret Mitçell sizdən artıqdır? Bilirsinizmi ki,o Küləklə sovrulanlar kitabını qəzetdə bütün günü işləyə-işləyə yazıb? Bəlkə də bəziləriniz deyəcək ki,mənim öz arzularımı reallaşdırmağa fiziki qabiliyyətlərim imkan vermir.Bəs bilirsiz ki,lord Keveno, əlləri və ayaqları olmaya-olmaya ingilis parlamentinə üzv olub? Hamının təriflədiyi Şekspir də məktəbdə oxuyub-yazmaqdan başqa bir şey öyrənməyib,amma böyük ədib olub. Yəni siz ondan əskik adamsınız?
bu hissədə nəsə optimist-fason şəkilin olması lazım idi
Bir daha öz ideallarınız,öz arzularınız haqda düşünün.Onları ürəyiniz içində boğmayın. Cürbəcür bəhanələri atın qırağa.
Əgər o bəhanələr, təsəllilər, başaldatmalarla özünüzü aldatsanız, siz bu dünyada ölməyi ilə yaşamağı fərqlənməyən adidən də adi adamlardan olacaqsınız.
Yox,siz də böyük siyasətçi,uğurlu biznesmen,məşhur musiqiçi və s. olmaq istəyirsinizsə,dayanmayın,öz arzularınıza qol-qanad verin.
P.S. alsevin.az saytının ərsəyə gəlməsi gözlədiyimizdən də çox vaxt aparıb. Saytda texniki problemləri yavaş-yavaş həll edib qurtarırıq.