Ən yaxşı Azərbaycan filmləri

Yarısı rəqs və sevgililərin mahnı oxumasından fərqlənməyən hind filmlərini, sosial yükü olan alman, düşüdürücü Koreya,həyatsevər fransız kinolarını seyr edirik. Hollivudun həm ekşn (action), həm fantastika, həm melodramalarına da çox baxmışıq.

Amma doğma Aərbaycan filmlərindəki o duz, o yaxınlıq, o gözəllik başqalarında yoxdur. Aşağıdakı sitatlardan doymuruq:

  • — Ay kişi istəmirsən səni-ucqar bir kənd sakinini uzaq Liviya səhrasında görsünlər?
    — Yox
    — Düz deyirsən, səni elə görməsələr yaxşıdır.
  • — Söhbət sosiskadan getmir e, adam gərək vnimatelni olsun.
  • — Çal aşıq Çal!!! Komsomolun canı it canıymış!

İMDB,kinopoisk kimi saytlarda dünyanın ən yaxşı filmlərinin reytinqlərini seçmək,onlara səs vermək olur. Bizdə isə kinoların reytinqinə aid heç bir məlumata rast gəlmədim (guya bizdə nəyin hesabatı aparılır ki?:))

Şəxsən mən Azərbaycan kinosunun ən yaxşı, ən populyar (yaxşı və populyar ayrı-ayrı şeylərdir),ən yaddaqalan nümunələrini aşağıdakı kimi görürəm. İlk 10 yerdə namizədlər arasında dəqiq seçim aparmaq çətindir, amma ümumilikdə TOP-10 kino reytinqini belə sıralamaq olar:

  1. Bir cənub şəhərində
  2. Gün keçdi
  3. Təhminə
  4. Bir Cənub ŞəhərindəBizim Cəbiş müəllim
  5. Bəxt üzüyü
  6. Bəyin oğurlanması
  7. Həm Ziyarət, həm ticarət
  8. Dərviş Parisi Partladır
  9. Axırıncı aşırım
  10. Yeddi oğul istərəm
  11. O olmasın, bu olsun
  12. Uşaqlığın son gecəsi
  13. Şərikli çörək
  14. Uzaq sahillərdə
  15. Tütək səsi
  16. Dəli Kür
  17. Nəsimi
  18. Babək
  19. Ad günü
  20. Yol Əhvalatı
  21. Sehrli xalat
  22. Otel otağı
  23. Bağ mövsümü
  24. Bəxtiyar

Mənim fikrimə görə Dədə Qorqud, Qaynana, Ögey ana, Əhməd Haradadır? kimi filmləri o qədər göstəriblər ki, biz öyrəşmişik. Amma kinomatoqrafiya və estetika cəhətdən nəsə həmin filmlər o qədər də mənim xoşuma gəlmir.

İnternet-mağaza üçün işləmək çətin və intellektual zəhmət tələb edən işdir; ona görə də, yorulanda milli kinomuza baxmaqla yorğunluğumuzu çıxarırıq. Kinolarımızdakı sitatlardan aramızdakı ünsiyyətdə də istifadə edirik:

  • – Bunların nazı ilə çox oynayırsan, a… Kərbəlayi
  • – Kərimov, almanı tumları ilə yemisən.
  • – İstəyirsən bütün bazarı bağlatdırım sənin üçün.

Avropa saytlarının birində gördüyümüz qəşəng bir dizaynı görəndə isə təbii ki, bu sözü deməliydik:

– Bəs o əjdahadan niyə bizdə yoxdur?

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir